په‌ی مه‌‌‌رگ‌و غه‌‌‌ریوو دڵ‌وو تۆ هه‌‌‌ڵسی پرێه‌ره

كۆنج‌ و خه‌فه‌‌‌ت ‌و پاییز‌و شاریوه ‌خزێه‌ره

هه‌ڵسی چه‌‌‌نی نه‌‌‌مجوونه هه‌سارێوه‌ جه‌ ‌‌سۆ كه‌‌‌وت

تاریكه ‌‌سه‌‌‌ڵاته‌‌‌ن سه‌روو سه‌‌‌ر خاك‌و به‌‌‌زێه‌‌ره

هه‌ڵسی چه‌‌نی نه‌‌ێ واری چه‌‌نی تاڤگه ‌نه‌‌وینا

دڵ مات و مه‌لوول وه‌ڵگێ له‌‌قی كه‌‌وتێ ته‌‌پێه‌‌ره

هه‌ڵسی چه‌‌نی ده‌‌س نه‌‌ۆزۆ ملوو خاکوو غه‌ریوی

بێ تۆ چه‌نی بدیه‌ونه رووه‌‌و نه‌‌سڵ‌وو سه‌‌وێه‌ره

زوو بێ فره زوو كۆچوو لوه‌‌ێث خه‌م نه دڵم دا

په‌ی مه‌رگ‌و غه‌ریوو دڵ‌و تۆ هه‌ڵسی پرێه‌ره

11/8/87

په‌پووڵێوه سه روو ها نێوه واچێ

توه رداسه‌ێ خه ریک بێ داری پاچێ

تۆه‌رداس دێق که رۆ ناڵه ێ جه داری

نمه‌یۆ گوشش هه تا ریشه ش نه‌هاچێ

چه‌مه‌ریانه‌و شینی په‌ی کۆچه‌ری دنیه‌و په‌پووله‌ باڵ مێریاکان

           ...

رنه‌و وارانی ، سۆزوو وه‌رزوو ئابانی­وو شه‌وێ

خه‌م خه‌یاڵ دوور گنه‌ۆ رۆحوو عه‌زیزانش نه‌وێ

ته‌نگه‌ وه‌ختیوه گۆڵوو چراوه‌و هه‌ژاریت مه‌رده‌ره

تۆ لوه‌ێ وێشوومه باڵش گرته‌ره نیا وا ده‌وه‌ێ

تاقه‌توو شێعرێ هه‌ناسه‌و تۆ ئنو خاکی نه‌وێ

په‌ی به یاوه‌ی دما هواری په‌ی سه‌عاته‌ی نه‌سره‌وه‌ێ

 غه‌زله‌ێوه جیاوازه جه مه‌رحووم کاک یوسفی ره‌سوول ئابادی

شه‌وێ وه‌ختێ هه‌ساری مه‌گره‌وانێ

به لالای دیذه‌که‌و تۆ مه‌سره‌وانێ

سه‌حه‌ر گۆراڵه‌کێ ته‌نگوو هه‌سارگه‌ێ

به‌ پژمه‌ۆ نۆ هه‌ناسه‌ێت به‌ر مه‌ذانێ

وه‌روو مانگه گم وو ساره‌و نه‌زانی

مه‌گه‌‌ر دانامه نامه‌ت به‌رکه‌رانێ

سه‌روو گیانم گمێ بان با نه‌زانان

ئه‌گه‌ر ئیمان به‌ عشقیت ناوه‌رانێ

زه‌مین وو ئیسمان ته‌نگه‌ به‌رێوه‌ن

هه‌ڵۆ زاڏێ نه ‌مردارێ وه‌رانێ

رژوو درک وو ترامه‌ن گه‌ۆره ژیوای

مه‌گه‌ر یوسف نیشانی بویه‌رانێ

چه‌مێت خاسی خوڏه‌ی سه‌ۆزوو ته‌کێنێ

چه‌نی یه‌شمی گمانم رووته‌کێنێ

سه‌ڏاقه‌و تۆ هه‌سارێ کاکه‌شانی

هه‌سارێ په‌ی گجی تۆ پوو‌له‌کێنێ

به جه‌ژنه‌و رۆچه‌گیران وو ده‌م وو تۆ

هه‌زار مزگانی مانگێ که‌م یه‌کێنێ

خوه وه‌خته‌ێ خوی دنیا خۆوه

ئه‌رێ دیمێ به بێ خۆه‌ێ دیمه‌کێنێ

چه‌مێ قووجنه ده‌مت به‌ۆره وه‌رۆ وه

چه‌مه‌ قووجالی ماچیت وه‌ش مه‌کێنێ

مه‌زانۆ ئاخریچ وو قسمه‌ت وو من

جه تۆ گۆچانه یا خۆ عه‌ینه‌کێنێ

پیره په‌ته 

دار ماتڵه‌نوو پیره په‌ته‌ که‌‌وته ژڵێژیه‌ی

ئازادی خنیکاو ده‌س‌و زۆردارو خوایه‌ن

بێ به‌ش نه‌‌وێ دیدارو ئه‌ڏێ په‌‌ی خه‌م ڕۆڵاش

ئی داره چمان ده‌س ملوو ئازار وو جیایه‌‌ن

وه‌خته‌‌ی په‌‌ته هۆر‌وه‌سته خه‌زان خوا به شه‌‌ماڵی

ئی سه‌‌وزه گه‌‌ڵا باڵ به‌سوو زیندان‌وو به‌‌ڵایه‌‌ن

هه‌‌رچی خه‌‌می واره‌ی به‌سه‌روو ئێمه‌ره واره‌ێ

قسمه‌ت بیه‌ن وو ئینه به‌شو خاس و خوڏایه‌‌ن

هه‌‌رزانی گیانینو حه‌‌راج په توو داری

شاڏیانه په‌رێ شیوه‌ن و شیوه‌ن په‌‌رێ خوایه‌ن

توو قه‌ۆرو‌و جوان مه‌‌رگه‌‌ێ ئه‌ڏا خاس که‌‌ره شینم

شادی به‌شوو زۆرداری خه‌میچ ماڵ و گه‌‌ڏایه‌‌ن

ئی عه‌‌کسێ ئه‌ڏا با سه‌روو تاقی وه‌ بمانۆ

ئازارو چه‌موو دۆژمنی شادیانه زه‌مایه‌ن

به‌ش‌و ئێمه‌و شمه

پشكه‌ كریا سه‌رزه‌‌مین ‌و ئا‌وو واران ‌و وه‌‌ری

ساحیوو ئی خاكه‌یه هیچشا نه یاوا بیێ به‌ری

وه‌‌خته‌‌ێ په‌‌رساشا به كام یاسا بیه‌ن ‌ئاژین وه‌ڵات

كلكه‌‌شا كێشا به‌ ئیما واتشا ئه‌‌مره‌‌و سه‌‌ری

هانه باخ واران هه‌نارو كۆ كه‌مه‌‌ر داروو ده‌‌وه‌‌ن

روجیار مانگه هه‌‌ساره‌ كه‌وتێ پشكه‌‌و سه‌‌روه‌‌ری

دڕك داڵ ‌وو گه‌نده‌ ئاوه و‌و بۆگه‌‌ن وو سۆته‌‌و ده‌‌رێ

بیێ به‌ش ‌و خه‌‌ڵكی هه‌‌ژاری نعمه‌‌ته‌‌ێ گه‌‌وره‌‌ته‌‌ری

شاڏمانی‌و سه‌روه‌شی جامه شه‌راوو هۆرپڕه‌ی

په‌ی له‌چه‌ك سووران‌و رانه‌ك چۆخه‌كان‌و ئه‌وپه‌ری

شیوه‌‌ن‌ وو خه‌‌م یا چه‌‌مه‌‌ریا‌نه‌ ‌و خه‌‌فه‌‌ت با مندرو

به‌‌رگی ڕه‌ش كريۆ خه‌‌ڵاتی په‌‌ی هه‌‌ژاری بێ وه‌‌ری

داخه‌‌كه‌‌م ره‌‌‌ش مه‌‌ژگی خۆێڕی ده‌‌س وسه‌‌ن شاروو خۆه‌ی

 پشكه‌ كریا سه‌رزه‌‌مین و‌و ئا‌وو واران ‌و وه‌‌ری